Ağdaş rayon icra başçısı vəzifəsindən azad edilən Tofiq İbrahimov fövqəladə hallar naziri Kəmaləddin Heydərovun qohumu imiş.

XALQ.AZ məlumat verir ki, prezidentin sərəncamı ilə işindən kənarlaşdırılan sabiq İH başçısı Tofiq İbrahimov FHN-nin rəhbəri Kəmaləddin Heydərovun həyat yoldaşı Rühəngiz Heydərovanın dayısıdır.

YAP Qadınlar Şurasının üzvü olan Rühəngiz Heydərova həmçinin SEBA (Seul-Bakı) Azərbaycan-Koreya Mədəniyyət Mübadiləsi Assosiasiyasının sədridir. Keçmiş icra başçısının oğlu Vidadi İbrahimov da gömrük sistemində vəzifə tutub. O, idarə rəisidir. Təbii ki, nazir xanımının dayısı oğluna bu şəraiti qurub.

Eyni zamanda, Tofiq İbrahimovun da Qəbələ, Lənkəran, son olaraq da Ağdaşda icra, başçısı vəzifəsini daşınmasında K. Heydərovun mühüm rolu olub.

Qeyd edək ki, Tofiq İbrahomovun səhhətində problem yaranmışdır. məlumatlara görə o, iki aydır ki, işə çıxmırdı.