"Formula 1" kifayət qədər populyar idman növüdür, dünyada bu yarışın təqribən 500 milyon TV auditoriyası var. Futbol, basketbol, xokkey, tennisdən sonra “Forumula 1” yarışı auditoriyasına görə 5-ci yerdə dayanır. “Formula 1” yarışları keçirən ölkə turizim baxımından dünyaya açılırsa qazanc da əldə edir. Həm də Bakı şəhər içində Formula yarışı təşkil edən 2-ci şəhərdir, bu anlamda turizmin reklamı üçün gözəl imkanlar yaradır.
Amma:
- Quru sərhədləri az qala 5 il məntiqsiz olaraq qapalı saxlayıb turizmi inkişaf etdirmək olmur,
- Kiçik-orta sahibkarlığı vergi dərəcələri, gömrük tarifləri, icra strukturlarının davranışları ilə əzərək turizmi inkişaf etdirmək mümkün deyil,
- Dövlət investisiyaları hesabına 5 ulduzlu otellər tikib sonra onların ziyanla işlədiklərini bəyan etməklə turizm inkişaf etmir,
- Rəqbətsizliyə görə qiymətləri kəllə-çarxa qaldırmaqla turizm cəlb etmək olmur,
- 2-3 ulduzlu otelləri, hostelləri olmayan, və ya çox az olan ölkədə turizm inkişaf etmir,
- Yan istehsal sahələri olmayan, turizmdə istifadə edilən bütün hər şeyin xaricdən gətirildiyi ölkədə turizmdən danışmaq yersizdir.
Siyahını uzada da bilərəm, amma vəziyyət budur, əslində “Formula-1” yarışlarına ev sahibliyi edən ölkə-şəhər sakinləri sevinirlər, düşünürlər ki, həm yarışları izləyə bilərlər, həm də onminlərlə turistdən pul qazanacaqlar. Bizdə isə hər “Formula-1” yarışları camaatın kəskin narazılığını yaradır, publik olmasa da, evdə-mətbəxdə deyinməklə, tıxaclar, əsəb gərginliyi ilə keçir...
Natig Jafarli
TEREF