" "Azercell"dən şikayətim var..." "DİA-AZ" xəbər verir ki, bu barədə "Müştəriyəm Şikayətim Var" sosial qrupundakı paylaşımında Kamran İbadov adlı istfiadəçi gileylənir.
Narazı vətəndaş daha sonra başına gələnləri belə nəql edir: "2 həftə əvvəl "28 May" ərazisindəki dükanların birindən təzə "Azercell" nömrə almışdım... 15 manat (nömrəyə) + 6 manat (aktiv olması üçün kontur) = 21 manat xərcim çıxdı.
Nömrəni taxdım telefona, telegram yükləmək istədim, yüklənmədi. Kod başqa gmaile gedir... nömrəyə kod gəlmir. Başqa telegram ünvanı ile bu nömrənin telegramını istifadə eden şəxsə yazdım... atdı məni bloka.
İndi "Azercell"ə zəng edirəm ki nömrəni təzə adı ilə satışa qoymusunuz, sosial şəbəkəsini başqası işlədir ya elə edin ki, sosial şəbəkə həmin adamdan çıxarılsın ya da nömrəni adımdan çıxarın. Mənə deyirlər, ki, nömrə adınızdan 5-6 ay və ya daha çox müddət sonra çıxarıla bilər. Nömrənin dərhal 2 tərəfli bağlanmasını istəyirsinizsə 20 manat ödəməlisiniz...
Hələ onda da nömrə adımdan 4-5 ay sonra çıxacaq. Deyirəm, bəs nömrə mənim adımadı, adam nömrədə nəsə problem yaratsa, necə olacaq? Deyir ki, nömrəni başqasının adına keçirin o zaman, deyirəm bəs nəsə olsa başqası bədbəxt olsun? Deyir bizlik deyil...
Bunlar dolayıblar adamı? İşlətmədiyim bir nömrəyə görə də 20 manat əlavə ödə deyirlər ki, xətti bağlayaq. Özü də deyir ki, biz sosial şəbəkəyə cavabdehlik daşımırıq, bəs kim cavabdehlik daşıyır çox maraqlıdır?
Həmişə "Bakcell" və "Nar" işlətmişəm heç vaxt belə problem olmayıb. "Azercell"den ilk dəfə nömrə aldım... deyəsən ilk və son olacaq!"