“Bu küçədə zibillik dağları yaranıb. Nə bələdiyyə, nə icra hakimiyyəti, nə də “JEK” maraqlanır. Günlərlə ərazi üfunət iyi verir, yaxınlığından keçmək olmur. Zibil qutuları qoyulmur ki, zibillikdən canımız qurtara”.

Bu sözləri Bakının Yasamal rayonu, II Alatava massivində yaşayanlar TİA.AZ-a məktubda yazıb. Onların sözlərinə görə, şikayət etməyin mənası qalmayıb. Dəfələrlə Yasamal rayon İcra Hakimiyyətinə müraciət edən sakinlərin problemi baxımsız qalıb. Qəsəbə camaatı məişət tullantıları üçün zibil qutuları qoyulmadığını, nəticədə natəmizlik hökm sürdüyünü, sahibsiz küçə itlərinin ərazidə məskən saldığını, siçovullar oylağına çevrildiyini qeyd edirlər. Sakinlər bu problemin tezliklə həllini xahiş edirlər.