Niyaz Niftiyevin işi üzrə məhkəmə istintaqı yekunlaşdı - VƏKİLDƏN AÇIQLAMA

2-08-2021, 18:37           
 Niyaz Niftiyevin işi üzrə məhkəmə istintaqı yekunlaşdı - VƏKİLDƏN AÇIQLAMA
Ötən ilin aprelində keçirilən əməliyyat zamanı saxlanılan Binəqədi Bələdiyyəsinin sədri, tanınmış jurnalist Niyaz Niftiyevin cinayət işi üzrə məhkəmə prosesi davam etdirilib.

Yenicag.az xəbər verir ki, məhkmə iclasında 5 şahid dindirilib, onlar Niyaz Niftiyevin xeyrinə ifadə veriblər.

Niyaz Niftiyevin vəkili Ənnağı Məmmədli Yenicag.az-a açıqlamasında məhkəmə istintaqının qurtardığını qeyd edib:

“Bu gün beş şahid dindirildi, onların hər biri ayrı-ayrılıqda ifadə verdilər. İfadələrində bildirdilər ki, bələdiyyədən aldıqları arayışlar Binəqədi qəsəbə bələdiyyəsi ərazisində yaşamaları və sahibkarlıq fəaliyyətilə məşğul olmaları ilə bağlı olub. Üç şahid bildirdi ki, məişət tullantılarına görə borcları olmadığı üçün onlardan arayışla bağlı hər hansı məbləğdə bul alınmayıb. Digər ikisi isə məişət tullantısı ilə bağlı on səkkiz manat borcları olduğu üçün onu ödəyiblər, əlavə pul verməyiblər. Şahidlərdən biri oxuma bacarığının olmadığını, ifadəsi alınarkən nə yazıldığını bilmədiyini və müstəntiqin ona qol çəkdirdiyini qeyd etdi. İfadə elan olunduqdan sonra məlum oldu ki, həqiqətən də, onun oxuma qabiliyyəti yoxdur.

Məhkəmə istintaqının qurtarması elan olundu, sənədlərin tədqiqi prosesinə başlanıldı”.

Qeyd edək ki, növbəti məhkəmə iclası avqustun 9-na təxirə salınıb.

Xatırladaq ki, N.Niftiyevə qarşı Cinayət Məcəlləsinin 320.1-ci (Rəsmi sənədləri, dövlət təltiflərini, möhürləri, ştampları, blankları saxtalaşdırma, qanunsuz hazırlama, satma və ya saxta sənədlərdən istifadə etmə) və 139-1.1-ci (epidemiya əleyhinə və karantin rejimlərinin pozulması) maddələri ilə ittiham irəli sürülüb.

Sonradan bu maddələr dəyişdirilib, prokurorluqda ona Azərbaycan Respublikası CM-nin 309.1, 311.3.1, 311.3.2 və 313-cü maddələri ilə ittiham irəli sürülüb.

N. Niftiyev uzun müddət jurnalist fəaliyyəti ilə məşğul olub. O, Mətbuat Şurası İdarə Heyətinin üzvüdür. Azadinform.az saytının rəhbəri idi.шаблоны для dle 11.2



Loading...



Loading...





Loading...

Teref.info © 2015
E-mail: n_alp@mail.ru            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.
Sayt Webmedia.az tərəfindən hazırlanmışdır.