“Həyata keçirilən antiterror tədbirlərindən sonra Qarabağda gizlənən erməni silahlıların olması ehtimalı böyükdür. Onların təminatının, qida ehtiyatının nə qədər olduğu bəlli deyil. Təminatları bitəndən sonra üzə çıxmağa məcbur olacaqlar. Ona görə də ərazidə arama-tarama işləri aparılmalıdır. Təmizləmə işlərini daha da dərinləşdirmək lazımdır”.

Bunu hərbi ekspert Üzeyir Cəfərov Bakupost.az -a deyib. O bildirib ki, silahlı terrorçu varsa, o mütləq nə vaxtsa hadisə törədəcək. Bu səbəbdən də məsələni diqqətdən kənarda qoymaq olmaz:

“Hesab edirəm ki, zaman itirmədən ciddi tədbirlər görülməlidir. Elə gizlin hərbi anbarlar ola bilər ki, silahlılar orada bir neçə ay yaşaya bilər”.