“Atatürk prospektində parkda təmir, bərpa işləri aparılır. Bu müsbət addımdır. Ayna Sultanovanın büstü orada ucalır. Sovet dövrünün qaranlıq siması olan Həmid Sultanovun həyat yoldaşı Ayna Sultanovada xalqımıza qarşı heç də müsbət işləri olmayıb”.

Cebhe.info xəbər verir ki, bunu politoloq Məhəmməd Əsədullazadə sosial şəbəkə hesabında paylaşıb:

“Onun büstü götürülməli, yerində Azərbaycan Cümhuriyyətinin baş naziri Fətəli xan Xoyskinin büstü ucaldılmalıdır. Bakı Şəhər İcra Hakimiyyəti Ayna Sultanovanın büstün götürüb, parkda Fətəli xan Xoyskinin abidəsin ucaltsın. Bu addım Cümhuriyyətimizə və tariximizə verilmiş ən böyük dəyər olar”.