İsraildə yüzlərlə insan ABŞ Prezidenti Donald Tramp tərəfindən hazırlanan "Əsrin müqaviləsi" adlı sülh planına etiraz edib.

Axar.az "Yedioth Ahronoth" qəzetinə istinadən xəbər verir ki, Təl-Əvivdə solçular və insan haqları təşkilatları tərəfindən keçirilən aksiyada "Başqa bir yolumuz var", "ABŞ-ın planını rədd edirik", "Sülhə hə" kimi plakatlar nümayiş etdirilib.

Aksiyada Meretz və İşçi partiyaları da iştirak edib.

Nümayişdə çıxış edən Meretz Partiyasının millət vəkili Tametz Zandberq Trampın planının sülh deyil, ilhaq və deportasiya olduğunu bəyan edib.