Moskva və Vaşinqton arasında Vyanada strateji sabitlik mövzusunda aparılan məsləhətləşmələrdə DNSV-3-ün uzadılmasını müzakirə edilib.

APA-nın RİA Novosti-yə istinadən verdiyi xəbərə görə, bu barədə Rusiya Xarici İşlər Nazirliyi məlumat yayıb.

Bildirilib ki, bazar ertəsi strateji sabitlik mövzusunda Vyanada keçirilən Rusiya-ABŞ məsləhətləşmələri başa çatıb.

Danışıqlarda Rusiya nümayəndə heyətinə Xarici İşlər nazirinin müavini Sergey Ryabkov, ABŞ nümayəndə heyətinə isə Marşal Billinqsley rəhbərlik edib. Müşavirə təxminən on saata yaxın davam edib.

“İki ölkə prezidentlərinin göstərişinə uyğun olaraq, silah nəzarətinə dair perspektivlərin, o cümlədən sabitliyin və proqnozlaşdırılmanın qorunması məsələlərinin müzakirəsi davam etdirilib, habelə beynəlxalq təhlükəsizlik sahəsində problemlərin həlli ilə bağlı hərtərəfli dialoq aparılıb”, nazirliyin məlumatında vurğulanıb.