"İsrail ABŞ Demokratlar Partiyası ilə əlaqələrini bərpa etməlidir".

Bizimxeber.az bildirir ki, bunu andiçmə mərasimində yeni xarici işlər naziri Yair Lapid deyib. Onun fikrincə, ABŞ-ın mövcud hakim gücü ilə münasibətlərin korlanmasında əvvəlki hökumət günahkardır.

"Gedən hökumət, yalnız Respublikaçılar Partiyası ilə əlaqələr quraraq İsrailin ABŞ-ın hər iki siyasi qüvvəsi ilə siyasətini unudaraq, çox ehtiyatsız davranıb. İndi Demokrat Partiya hakimiyyətdədir və onlar bizə qəzəblidirlər. Hesab edirəm ərəb ölkələri ilə əlaqələri gücləndirmək lazımdır - həm köhnə müttəfiqlərlə (İordaniya və Misir), həm də yenilərlə (Əmirliklər və Bəhreynlə).

Xatırladaq ki, 2021-ci ilin martında İsraildə keçirilən seçkilərdə Binyamin Netanyahunun Likud partiyası yenidən ən çox səs topladı, lakin rəqibləri koalisiyaya qoşularaq səslərin çoxunu qazandı. Nəticədə, İsraildə uzun illərdən bəri ilk dəfə hökumət dəyişdi.