Məlumdur ki, Gürcüstanın Baş naziri İrakli Qaribaşvili Ermənistanın Baş naziri Nikol Paşinyan və Türkiyə Prezidenti Rəcəb Tayyib Ərdoğan arasında görüş təşkil etmək üçün üzərinə öhdəlik götürüb. Ordu.az xəbər verir ki, Ermənistanın “lurer.com” nəşri bununla bağlı Ermənistan hökumətinə sorğu göndərib.

Lakin Ermənistan hökuməti nəşrin sorğusuna çox “konstruktiv” cavab verib.

“Mətbuatın görüşlə bağlı məlumatına əlavə edəsi heç nəyimiz yoxdur”, - deyə Ermənistan hökumətindən bildiriblər.

Əslində Ermənistan hökuməti mümkün görüşü nə təsdiq, nə də istisna edib.