“NATO-nun alyansın şərqində, o cümlədən Qara dəniz regionunda mövcudluğu müdafiə xarakteri daşıyır və Rusiyanı təhdid etmir”. AzVision.az xəbər verir ki, bunu Alyansın Baş katibi Yens Stoltenberq Ukraynanın xarici işlər naziri Dmitri Kuleba ilə görüşdən sonra jurnalistlərə açıqlamasında deyib.

Onun sözlərinə görə, NATO alyansın şərqində 2014-cü ildən fəaliyyət göstərir: “Bu mövcudluq sırf müdafiə xarakteri daşıyır və Rusiyanı təhdid etmir. Lakin alyans Ukrayna sərhədləri yaxınlığında Rusiya hərbi qulluqçularının qeyri-adi cəmləşməsinin baş verdiyinə inanır və bu, narahatlıq doğurur”.