Avropa Komissiyası Aİ-də elektron covıd-sertifikatın etibarlıq müddətini daha bir il uzatmağı qərara alıb.

AZƏRTAC xarici KİV-ə istinadla xəbər verir ki, bu barədə Brüsseldə keçirilən brifinqdə Avropa Komissiyasının nümayəndəsi Kristian Viqand bildirib.

“Avropa Komissiyası Avropa İttifaqı ölkələrində covıd-sertifikatın etibarlıq müddətinin bir illiyə - 2013-cü il iyunun 30-dək uzadılması haqqında təklifi təsdiqləyib. Biz ilin ikinci yarısında xəstəliyin artmasına, yaxud koronavirusun yeni ştamlarının meydana gəlməsinə hazır olmalıyıq”, - deyə o vurğulayıb.

Avropa sertifikatı Aİ daxilində vətəndaşların hərəkət sərbəstliyinə zəmanət verir. Sertifikatda COVID-19 əleyhinə vaksinasiya ilə yanaşı, xəstəlikdən sonrakı bərpa və ya testin mənfi nəticəsi barədə məlumatlar əksini tapır.