Bəzi Rusiya banklarının SWİFT beynəlxalq ödəniş sistemindən ayrılması Rusiya iqtisadiyyatına ciddi ziyan vura biləcək "nüvə zərbəsi" kimi dəyərləndirilir. Lakin Rusiya banklarının yalnız bir hissəsi SWİFT-dən ayrılacaq.

Axar.az xəbər verir ki, bu barədə Çexiyanın "Lidovki" nəşri məlumat yayıb.

"Avropa və ən əsası Almaniya Rusiya qazına görə ödəmə qabiliyyətini saxlamaq istəyir, bu məntiqlidir, çünki qaz ala və onun haqqını ödəyə bilmirsən. Ancaq vəziyyət hər gün daha da gərginləşir və iki həftə ərzində 20 ildə baş vermədiyi qədər çox hadisə baş verdi. Kim təsəvvür edə bilərdi ki, Almaniya militarizasiyanı, müdafiə sənayesinin yaradılmasını və Ukraynaya silah ixracını dəstəkləyəcək, “Şimal axını 2” qaz kəmərindən imtina edəcək və ertəsi gün Almaniyanın sənaye naziri ilin sonunda atom elektrik stansiyasının bağlanmasının təxirə salınacağını bildirəcək. Bəlkə də heç kim ağlına belə gətirmirdi ki, Putin bizi nüvə silahı ilə hədələyəcək. Buna görə də Rusiya Mərkəzi Bankının aktivlərinin dondurulması daha vacibdir", - qeyd olunub.