Böyük Britaniyanın baş naziri Boris Conson Rusiyanın Ukraynaya müdaxiləsindən sonra prezidenti Vladimir Putinlə münasibətlərin necə normallaşacağını təsəvvür etmədiyini deyib: "Kreml rəhbəri hətta peşman olsa belə ümidverici sonluq görmürəm".


Bu barədə Conson LBC Radiosuna müsahibəsində deyib.

Jurnalistin Putin tövbə etsə, dünya səhnəsində yenidən normak qarşılana bilərmi sualını cavablandıran Conson deyib: “İndi tövbə etmək Vladimir Putin üçün çox çətin olacaq. İnanıram ki, mümkünsüz heç nə yoxdur, amma mən indi Putinlə münasibətləri necə normallaşdıra biləcəyimizi təsəvvür edə bilmirəm”.

Böyük Britaniyanın baş naziri qeyd edib ki, dünya Rusiyanın Krımı ələ keçirdiyi 2014-cü ili təkrarlamaq riski altındadır.

"Putin Ukraynada bıçağı çəkmək üçün bir vasitə kimi istifadə etdi. Əgər ukraynalılar indi Putinlə hər hansı bir sövdələşmə aparsalar, onun eyni şeyi edəcəyi riski yenə olacaq və onlar bunu bilirlər. Beləliklə, normallaşma sualına qısa cavab xeyr və Böyük Britaniya bunu çox aydın bilir”.