Rusiya Ukraynanın Avropa İttifaqına üzvlük məsələsi ilə bağlı mövqeyini dəyişib
13-05-2022, 00:08
Rəsmi Moskvanın Ukraynanın Avropa İttifaqına üzv olmaq istəyi ilə bağlı mövqeyi dəyişib.
APA-nın Moskva müxbirinin məlumatına görə, bu barədə Rusiyanın BMT-dəki nümayəndəsinin müavini Dmitri Polyanski bildirib.
"Kiyevin Aİ-yə daxil olmaq istəyi ilə bağlı Rusiyanın mövqeyi dəyişib. İndi bu, Ukraynanın NATO-ya daxil olması ilə bağlı mövqe ilə oxşardır", - deyə rusiyalı diplomat vurğulayıb.
Qeyd edək ki, Ukrayna-Rusiya danışıqları zamanı Rusiya nümayəndə heyətinin rəhbəri, prezidentin köməkçisi Vladimir Medinski Moskvanın Kiyevin Aİ-yə qoşulmasına qarşı olmadığını bəyan etmişdi.