ABŞ hakimiyyəti anti-Rusiya sanksiyalarını pozanlara qarşı mübarizəyə başlayıb.

Publika.az “Lenta.ru”ya istinadən xəbər verir ki, ABŞ agentlikləri tərəfindən Rusiyaya qarşı tətbiq edilən sanksiyalar nəzarətsizlik səbəbindən öz effektivliyini itirməkdədir. Buna qarşı mübarizə aparmaq üçün Ticarət Departamenti, Ədliyyə Departamenti və Xəzinədarlıq Departamenti tərəfindən tövsiyələr hazırlanaraq, Xəzinədarlıq Departamentinin saytında dərc edilib.

Belə ki, hökumət rəsmiləri maliyyə institutlarını və şirkətləri daha çox ayıq-sayıq olmağa çağırır. Əgər sanksiyaların mümkün pozulması əlamətləri varsa, onlara əlavə yoxlamalar aparmalı olduqları bildirilir.

Müştərinin İP ünvanı və elan edilmiş yeri fərqlidirsə, əməliyyatı həyata keçirən təşkilat internetdə zəif təmsil olunursa və ya bu barədə ümumiyyətlə məlumat yoxdursa, ödəniş hansısa ölkədən və ya şirkətdən gəlirsə, əlavə yoxlama tələb olunmalıdır.

Ayrı-ayrılıqda qeyd olunur ki, Çin, o cümlədən Honkonq və Makao, eləcə də Rusiyaya yaxın Ermənistan, Türkiyə və Özbəkistan kimi ölkələr vasitəsilə malların tədarükü şübhə altındadır.