Szinpin Putini "Moskva knyazı" etdi - Ciddi səhv

22-03-2023, 12:29           
Szinpin Putini "Moskva knyazı" etdi -
Çin lideri Si Szinpin Moskvaya səfəri zamanı çox ciddi səhvə yol verdi. Belə ki, Szinpin Putinə daha 6 il “Moskva knyazı” damğasını vurdu.

Bu sözləri rusiyalı politoloq Andrey Piontovski bildirib.

“Szinpin çox ciddi səhv etdi. Hətta Rusiya təbliğat maşını da bunu hiss etdi. O, Putini 2024-cü ildən 2030-cu ilə qədər Moskvada altı illik hakimiyyət üçün təyin etdi”, - o bildirib.

Politoloqun sözlərinə görə, bu, görünməmiş diplomatik təcrübədir:

“Szinpin onun prezidentliyə namizədliyini dəstəklədiyinə dair bəyanatında Rusiya xalqının seçkilərdə Putini dəstəkləyəcəyinə şübhə etmədiyini bildirdi".

Piontovskinin sözlərinə görə, Si Szinpinin açıqlaması onun marağının hansı istiqamətdə olduğunu göstərdi:

“Si Szinpinin marağı nəyin bahasına olursa olsun, Putini hakimiyyətdə saxlamaq və heç bir halda Ukraynanın həlledici qələbəsinə imkan verməməkdir. Putin Uzaq Şərqi və Sibiri Çinə verəcək”.












Teref.info © 2015
E-mail: [email protected]            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.