Rusiyanın təhlükəsizliyi bütün mümkün vasitələrlə təmin ediləcək.

APA TASS-a istinadən xəbər verir ki, bu barədə Rusiya xarici işlər nazirinin müavini Sergey Ryabkov brifinq zamanı çıxışında deyib.

Diplomat qeyd edib ki, Rusiya Federasiyasının təhlükəsizliyi bütün mümkün vasitələrlə təmin ediləcək və ölkəsinin qətiyyətini heç bir ABŞ pilotsuz uçan aparatı (PUA) sarsıda bilməyəcək.

“ABŞ konqresmenləri Ukraynaya kasetli bombaların tədarükünün yaratdığı təhlükədən xəbərsizdirlər. Onlar Kiyevi təchiz etmək üçün getdikcə daha ölümcül silah sistemlərini nəzərdən keçirir. Rusiya rəsmi Vaşinqtonu gərginliyi azaltmağa çağırır” - deyə Ryabkov əlavə edib.

XİN rəhbərinin müavini həmçinin bildirib ki, ABŞ-ın atdığı addımlar rəsmi Vaşinqtonun Ukrayna münaqişəsində iştirak edən tərəf kimi statusunu bir daha təsdiqləyir.

Ryabkov onu da əlavə edib ki, Rusiya və Çin liderləri ABŞ-ı hərbi gərginliyi azaltmağa çağırır, lakin hazırda bunun əksi baş verir.