Vaşinqton Rusiya-İran müttəfiqliyinin möhkəmlənməsindən ehtiyat edir.

Publika.az xəbər verir ki, "19FortyFive" portalı Amerika Birləşmiş Ştatlarının İran və Rusiya arasında münasibətlərin möhkəmlənməsindən ehtiyat etməli olduğunu yazıb.

Portal müəlliflərinin fikrincə, Ağ Ev və onun müttəfiqləri Rusiya və İranın anti-Amerika planlarına qarşı təcili addımlar atmalıdırlar.

“Bu, Amerikanın milli maraqlarına əlavə zərər vurulmazdan əvvəl edilməlidir”, - nəşrin müəllifləri qeyd ediblər.

Onlar vurğulayıblar ki, Tehran və Moskva hazırda ikitərəfli xarici siyasət, hərbi və iqtisadi əməkdaşlığı gücləndirirlər. Bu hərəkətlər Vaşinqtonun Avrasiya, Avropa və Yaxın Şərqdəki maraqlarına zərbə vurur.