Ölkələr arasında sözdə gərginlik olur, amma ticarət əlaqələri əsl məzərəni üzə çıxarır. Son 1 ildə Azərbaycanla İran arasında gərginlik artıb, notalar, qarşılıqlı ritorik sərtləşmələr çoxalıb, məntiqlə bu ölkələrarası ticarətə də təsir etməli idi – amma etməyib: Bu ilin yanvar-may aylarında Azərbaycanla İran İslam Respublikası arasında ticarət dövriyyəsi 212 milyon 612 min ABŞ dolları olub.
Beş ayda Azərbaycandan İrana 7 milyon 558 min, İrandan Azərbaycana isə 205 milyon 53 min ABŞ dolları dəyərində məhsul ixrac olunub. Bizim İrana ixracımız 2022-ci ilin eyni dövrü ilə müqaisədə 2,1 dəfə (!!!) azalıb, İranın Azərbaycana ixracı isə 13% artıb. Bizim ixrac ona görə azalıb ki, satmağa neft-qazdan başqa heç nəyimiz yoxdur – yeri gəlmişkən yanvar-may aylarında ixracımızın 91%-i yenə də neft-qaz olub, amma İran ixracını 13% artırıb.
Sözüm odur ki, siyasətdə bəzən sözlər yox, rəqəmlər bir çox mətləblərdən xəbər verir...
Natig Cəfərli
Teref.az