Ermənistan və Yunanıstanın müdafiə nazirlikləri hərbi-texniki əməkdaşlıq haqqında saziş imzalamağa hazırlaşır.

Axar.az xəbər verir ki, bu barədə “Hraparak” qəzeti məlumat yayıb.

Məlumata görə, Ermənistan hökumətinin bugünkü iclasında sazişin təsdiqi məsələsi müzakirə olunacaq:

“Sazişə əsasən, Yunanıstan Ermənistanı İrəvanda sursat istehsalı üçün texniki vasitələrlə təmin etməlidir. Sazişdə silah, sursat və partlayıcı maddələrin istehsalı üçün texnologiya və texniki dəstəyin ötürülməsi, döyüş sursatı istehsalı sahəsində məlumat və təcrübə mübadiləsi, hərbi təyinatlı məhsullar və onların istehsalı sahəsində tədqiqatlar, onların istehsalı üçün birgə təşkilatların yaradılması nəzərdə tutulub”.