Franklin Foyerin "Sonuncu siyasətçi: Co Baydenin Ağ Evində və Amerikanın gələcəyi üçün mübarizə" adlı kitabında iddia edilir ki, ABŞ prezidenti onun Rusiya prezidenti Vladimir Putinlə bağlı gözlənilməz bəyanatını inkar etmək cəhdlərinə görə köməkçilərinə qəzəblənib.

Publika.az xəbər verir ki, 2022-ci ilin martında Varşavada etdiyi çıxışda Bayden deyib ki, Putin “hakimiyyətdə qala bilməz”. Lakin onun komandası bunun sadəcə bir improvizasiya olduğunu və ABŞ-ın rəsmi siyasətini əks etdirmədiyi ilə bağlı dərhal açıqlama verib.

Foyer yazır ki, Bayden səhv etdiyini bilib, lakin köməkçilərinin “onun səhvini düzəltməyə” cəhd göstərdikləri üçün əsəbləşib. O, dostlarına da şikayət edib ki, koordinatorlar onunla uşaq kimi davranıblar.

“Bu mübahisəli bəyanat Baydenin Varşavadakı çıxışının bütün digər hissələrini alt-üst edib. Prezident ümid edirdi ki, çıxışı ona şərəf və hörmət qazandıracaq. Lakin mətbuat onun ritorikasına heyran olmadı, onu özünü idarə etməyən lovğa kimi qələmə verdi”, - kitab müəllifi qeyd edir.