Ermənistan hökuməti bu gün Roma Əsasnaməsini (Statutu) ratifikasiya üçün Milli Məclisə təqdim edib.

Yenisabah.az xəbər verir ki, sənəddə Rusiya prezidentinin mümkün həbsi ilə bağlı bəndin və ya hər hansı bəndin olub-olmadığı aydın deyil. Çünki layihə hələ ki parlamentin saytında dərc edilməyib.

Bu ilin martında Ermənistan Konstitusiya Məhkəməsi Beynəlxalq Cinayət Məhkəməsinin Roma Statutunun ölkə Konstitusiyasına uyğun olması barədə qərar qəbul edib.

Bundan bir həftə əvvəl Haaqa Beynəlxalq Cinayət Məhkəməsi Rusiya prezidenti Vladimir Putinin həbsinə order vermişdi.