Sentyabrın 11-də Paşinyan hakmiyyətinə müxalif “Milli-Demokratik Qütb” Şurasının üzvü Jirayr Sefilyan dindirilmək üçün şahid qismində Ermənistan Milli Təhlükəsizlik Xidmətinin istintaq şöbəsinə çağırılıb.
TEREF.AZ Moderator.az-a istinadla xəbər verir ki, bu haqda “Haykakan jamanak” məlumat yayıb.

“Milli-Demokratik Qütb”ün mətbuat xidmətindən bildirilib ki, sorğu-sualın səbəbi J. Sefilyanın “vaqner”çilərin Ermənistanda olması və milli təhlükəsizliyə təhdid yaratması ilə bağlı söz-söhbətlərin yayıldığı barədə açıqlaması olub.

Xatırladaq ki, sentyabrın 4-də J.Sefilyan erməni mediasına belə bir açıqlama vermişdi:

“Vaqner”çilərin Ermənistana gəlməsi ilə bağlı xəbərlər var. Bu, etibarlı məlumatdır. Hətta onların harada yerləşdiyini də bilirik, onlara rəhbərlik edən şəxsin üç gün əvvəl “Ani” hotelində kiminlə görüşdüyü də bizə məlumdur. Bunlar tanınmış simalardır, amma indi adlarını çəkməyəcəyəm.”