İspaniyanın tarixi Əndəlüs vilayətində yerləşən Qranada şəhərində oktyabrın 5-də Ermənistan və Azərbaycan rəhbərlərinin görüşü olacaq. Bu məqsədlə Ermənistan Təhlükəsizlik Şurasının katibi Armen Qriqoryan Belçikanın paytaxtı Brüsselə işgüzar səfər edəcək. O, Fransa prezidenti Emmanuel Makron, Almaniya kansleri Olaf Şolz, Avropa İttifaqı Şurasının sədri Şarl Mişelin müşavirləri ilə görüşəcək. Onun Azərbaycan Prezidentinin köməkçisi Hikmət Hacıyevlə də görüşü nəzərdə tutulub. Bütün bu görüşlər Qranadada keçirilməsi planlaşdırılan liderlərin görüşünə hazırlıq məqsədi daşıyır...
Bu barədə Ermənistan mətbuatı xəbər yayıb...
Gördüyünüz kimi, Qərb yenidən təşəbbüsü əla almağa çalışır. Bu isə Rusiyada ciddi etirazla qarşılanır. Ancaq biz danışqlarda maraqlıyıq. Və mümkün qədər tez Ermənistanla sülh müqaviləsi bağlanmalıdır. Belə şeyləri sonraya saxlamaq olmaz. Dəmiri isti-isti döysək, yaxşıdır...
Elbeyi Hesenli
Teref.az