Qarabağın qeyd-şərtsiz Azərbaycanın ərazi bütövlüyünə aid edilməsi qərarı liderlərin Moskva görüşündə yox, 2022-ci il oktyabrın 6-da Praqa və 2023-cü il mayın 14-də Brüsseldə keçirilən toplantılarda imzalanmış sazişlərə əsaslanır. Bunu Putinin özü belə dəfələrlə etiraf edib və Paşinyanı bu təkliflə razılaşdığına görə ağ yuyub, qara sərib. Hətta bu anlaşmaların Avropada imzalansa da, Vaşinqtonda hazırlandığını bildirib. Paşinyan bugünkü xalqa müraciətində Praqa və Brüssel görüşlərinə sadiq qalacağını vurğulasa da, Moskvada bağlanmış 9 noyabr bəyanatının adını belə çəkməyib.
Bu gün ermənilərin böyük hissəsi Qarabağdan çıxarılırsa, deməli, Putinin təbirilə desək, "Vaşinqtonun planı" həyata keçirilir, Moskvanın yox. Ukraynada bataqlığa saplanan Moskva istəsə belə, bundan sonra Cənubi Qafqazda təsirli gücə çevrilə bilməyəcək. Hadisələri şərh edərkən bir az diqqətli və ədalətli olaq.
Heyder Oguz
Teref.az