Kremldə “Vaqner” döyüşçüləri ilə bağlı yeni planlar var – Britaniya MN
30-09-2023, 15:39
Kreml «Vaqner» hərbi şirkətinin muzdlularından öz məqsədləri üçün yararlanmağa davam etməyi və yeni “könüllü döyüş birləşmələri” yaratmağı planlaşdırır.
«AzPolitika.info» xəbər verir ki, bu barədə Britaniya Müdafiə Nazirliyi X şəbəkəsində (Twitter) kəşfiyyat məlumatlarına istinadən məlumat yayıb.
Xüsusilə, 2023-cü il sentyabrın 29-da Rusiya hakimiyyəti Prezident Vladimir Putinlə “Vaqner” qrupunun keçmiş baş qərargah rəisi Andrey Troşev arasında görüşün videosunu yayıb. Putin Troşevə nəzarət etməyi və yeni “könüllü döyüş bölmələri” yaratmağı tapşırıb. Bu görüşdə həmçinin Rusiya Federasiyasının müdafiə nazirinin müavini Yunus-Bek Yevkurov da iştirak edib. Qeyd olunur ki, təxminən 2023-cü ilin iyununda qiyam zamanı, «Vaqner»in yaradıcısı Yevgeni Priqojin “ədalət marşı” elan edəndə Troşev rəsmi təhlükəsizlik güclərində rol alıb. Güman edilir ki, Troşev Vaqnerin digər əməkdaşlarını müqavilələr imzalamağa təşviq etməkdə iştirak edib.
Çox güman ki, bir sıra «Vaqner» veteranları onu satqın hesab edirlər. Eyni zamanda, Yevkurov bu yaxınlarda Afrika ölkələrini gəzərkən görüntülənib.