“ABŞ və müttəfiqləri İranın İsraildəki hərbi və hökumət obyektlərinə cavab zərbəsi endirməsinin qaçılmaz olduğunu iddia edir.Onların fikrincə, bu, yaxın günlərdə dəqiq raketlərin istifadəsi ilə baş verə bilər. ABŞ rəsmiləri İsrailə bu mövzuda kəşfiyyat məlumatları ilə kömək edir”.

“Cebhe.info” xəbər verir ki, bu barədə “Bloomberg” mənbələrə istinadən yazır.

Bundan əvvəl “Axios” portalı iki İsrail rəsmisinə istinadən xəbər vermişdi ki, ABŞ Mərkəzi Komandanlığının (CENTCOM) rəhbəri general Maykl Kurilla İrandan mümkün hücum zamanı hərəkətləri əlaqələndirmək üçün cümə axşamı İsrailə səfər edəcək.

Çərşənbə günü ABŞ Prezidenti Co Bayden Yaponiyanın Baş naziri Fumio Kişida ilə danışıqlardan sonra keçirilən mətbuat konfransında İranın Dəməşqdəki konsulluğuna hücumdan sonra İsrailin xəbərdarlıqları fonunda İsraili qorumaq üçün hər şeyi etməyə hazır olduğunu açıqlayıb.

İsrailin müdafiə naziri Yoav Qalant hər hansı bir dövlətin hücumu halında “çox tez” “həlledici hücum hərəkətləri” ilə cavab verəcəyini vəd edib.

Bu mesaj isə İranın ali dini rəhbəri Xameneyiyə ünvanlanıb.