Fransa prezidentinin ofisinin bildirdiyinə görə, Emmanuel Makron bazar günü telefon danışığı zamanı İran lideri Məsud Pezeşkianı Qəzza zolağı və Livanda "ümumi gərginliyin azaldılmasına" dəstək verməyə çağırıb.

Makron "İranın ümumi deeskalasiyanı və bu istiqamətdə onun dəstəyini alan sabitliyi pozan aktyorlara təsirindən istifadə etmək məsuliyyət daşıdığını" vurğulayıb. İranın dəstəklədiyi Hizbullah döyüşçüləri hazırda Livanda İsrail əsgərləri ilə döyüşür.

İran prezidentinin internet saytında Makronla söhbəti zamanı Pezeşkianın Livan və Qəzzada “cinayətlərə” son qoyulmasına çağırdığı bildirilib.

İnternet saytında yer alan məlumatda onların "Hizbullah və İsrail arasında atəşkəsin” təmin edilməsi yollarını müzakirə etdiyi" qeyd edilib.

Bəyanatda Pezeşkianın "Fransa prezidentindən sionist rejimi Qəzza və Livanda soyqırım və cinayətləri dayandırmağa məcbur etmək üçün digər Avropa ölkələri ilə birlikdə işləməyi istədiyi" əlavə edilib.

İsrail ordusu keçən bazar günü Livanın cənubunda Hizbullahla gərgin döyüşə başlayıb. İsrail həmçinin İranyönlü birləşmələrə qarşı hava hücumlarını gücləndirib.

Öz növbəsində, Livanın İslamçı hərəkatı günortadan sonra İsraillə həmsərhəd olan azı dörd kənddə "avtomat silahlar" və "raketlərdən" istifadə edərək, İsrail ordusu ilə "üz-üzə döyüşdüyünü" bildirib.

Qəzzada HƏMAS-ı zəiflətdikdən sonra İsrail Hizbullah tərəfindən HƏMAS-a dəstək məqsədi ilə bir ildir raket hücumları həyata keçirilməsi səbəbindən didərgin düşmüş 60 minə yaxın sakinin İsrailin şimalına qayıtmasına imkan vermək istədiyini bildirərək, döyüş əməliyyatlarını hazırda Livanda aparır.