İranın xarici işlər naziri Abbas Araqçi bazar ertəsi regiona genişmiqyaslı diplomatik turun son dayanacağı olan Maskatda İranın Yəməndə dəstəklədiyi Husi hərəkatının yüksək səviyyəli rəsmisi ilə görüşüb.

İranın Xarici İşlər Nazirliyi İsrailin İranın raket hücumuna cavab verəcəyinə söz verməsindən sonra Araqçinin müttəfiqlər və digər Yaxın Şərq gücləri ilə məsləhətləşdiyi bir vaxt Oman paytaxtında Məhəmməd Əbdülsəlamla danışıqların foto-şəkillərini yayımlayıb.

Araqçi "Yəmən Milli Qurtuluş Hökumətinin sözçüsü və baş müzakirəçisi Məhəmməd Əbdülsəlamla görüşüb və müzakirələr aparıb", Husi administrasiyasına istinad edilərək, foto-şəkli müşayiət edən yazıda deyilir.

Husilərin idarə etdiyi Al Masirah televiziyası da danışıqların mahiyyəti ilə bağlı heç bir təfərrüat təqdim etmədən görüş barədə məlumat verib.

Araqçi həmçinin omanlı həmkarı Seyid Bədr Əl-Busayidi ilə görüşərək, İsrailin Hizbullah və Fələstinin İslamçı HƏMAS qruplaşması ilə mübarizə apardığı Livanda və Qəzza zolağında baş verənləri müzakirə edib.

"Onlar İsrail rejiminin Qəzza və Livanda soyqırımına və təcavüzünə dərhal son qoymağa çağırıblar", İranın Xarici İşlər Nazirliyinin sözçüsü İsmayil Baqhayi deyib.

Omanın Xarici İşlər Nazirliyi iki rəsminin regionda "mübahisələrin və münaqişələrin həlli üçün əsas vasitə kimi diplomatiyadan istifadə etmək" mövzusunda razılaşdıqlarını bildirib.

İran oktyabrın 1-də İsrailə 200-ə yaxın raket zərbəsi endirərək, bunun regionda Tehranla əlaqəsi olan militant liderlərin və İranın İnqilab Keşikçiləri Korpusunun bir generalının öldürülməsinə cavab olduğunu bildirib.

İsrail buna cavab verəcəyini vəd edib.

Yəmən husiləri Qəzzada fələstinlilərin HƏMAS və Livanda Hizbullahla yanaşı İranın İsrailə qarşı mübarizə aparan silahlı qruplaşmalarından ibarət "müqavimət oxunun" bir hissəsidir.

Araqçi Maskata Bağdada səfərindən sonra gedib.

O, keçən həftə Qətər və Səudiyyə Ərəbistanına səfər edib. Oradakı danışıqlar əsasən Livan və Qəzzada atəşkəsə nail olunması və münaqişənin regionda yayılmasının qarşısının alınması yolları ətrafında aparılıb.

Araqçi bazar günü bir daha bildirib ki, İran “hərbi vəziyyətə tam hazırdır, lakin biz müharibə istəmirik, sülh istəyirik”.