BMT-nin insan haqları ofisi çərşənbə axşamı İsrailin Livanın şimalında azı 22 nəfərin ölümü ilə nəticələnən hava hücumunun araşdırılmasına çağırıb.

BMT-nin insan haqları üzrə sözçüsü Ceremi Lorens Cenevrədə jurnalistlərə agentliyə bazar ertəsi Aito kəndinə hücum zamanı həlak olanlar arasında 12 qadın və iki uşağın olduğu barədə məlumatların daxil olduğunu bildirib.

"Biz dördmərtəbəli yaşayış binasının vurulduğunu başa düşürük. Bu amilləri nəzərə alaraq, bizim Beynəlxalq Humanitar Hüquq (IHL) müharibə qanunları, proporsionallıq və mütənasiblik prinsipləri ilə bağlı real narahatlıqlarımız var", o deyib.

İsrail ordusu çərşənbə axşamı Hayfa bölgəsində hava sirenlərinin işə salındığını, İsrailin Hava Hücumundan Müdafiə Qüvvələrinin isə Livandan İsrailə keçən bir neçə raketin ələ keçrildiyini bildirib.

İsrail Müdafiə Qüvvələri həmçinin çərşənbə axşamı Livanın cənubunda Hizbullahın hədəflərinə endirilən hava zərbələri nəticəsində onlarla militantın öldürüldüyünü bildirib.

İsrailin baş naziri Benyamin Netanyahu bazar ertəsi verdiyi açıqlamada İsrailin “Beyrut da daxil olmaqla, Livanın hər yerində Hizbullaha amansız zərbələr endirməyə davam edəcəyinə” söz verib.

ABŞ rəsmilərinin bildirdiyinə görə, Netanyahu ABŞ prezidenti Co Baydenə İsrailin İrana cavab hücumunun neft və ya nüvə obyektləri deyil, yalnız hərbi hədəfləri hədəf alacağını deyib.

Washington Post və Wall Street Journal qəzetləri rəsmilərə istinad edərək, bazar ertəsi Netanyahunun bu vədi keçən həftə liderlər arasında telefon danışığı zamanı verdiyi barədə məlumat verib.

"Biz ABŞ-ın fikirlərini dinləyirik, lakin son qərarlarımızı milli maraqlarımıza əsaslanaraq verəcəyik" deyə, Netanyahunun ofisi çərşənbə axşamı verdiyi açıqlamasında bildirib.

İranın İsrailə hücumu İsrailin İranın dəstəklədiyi Hizbullah militant qrupunun başçısı Həsən Nəsrallahı öldürməsinə cavab olaraq və İsraillə Hizbullah arasında qarşıdurmanın artması fonunda həyata keçirilib.