"NATO-nun Baltik dənizində patrul əməliyyatı 90 gün davam edəcək" - Tusk

15-01-2025, 15:24           
"NATO-nun Baltik dənizində patrul əməliyyatı 90 gün davam edəcək" - Tusk
Sualtı infrastrukturun mühafizəsi üçün Baltik dənizində keçiriləcək “Baltic Sentry” patrul əməliyyatı 90 gün davam edəcək.

“Report” xəbər verir ki, bu barədə Polşanın Baş naziri Donald Tusk Helsinkidə Şimali Avropa və Baltikyanı ölkələrin sammitindən sonra jurnalistlərə açıqlamasında bildirib.

“Bu, 90 gün olacaq, lakin Baltik dənizində hərbi nəzarətin uzadılması və gücləndirilməsinin imkanları ilə”, - Tusk deyib.

Onun sözlərinə görə, hələlik hər bir iştirakçının əməliyyat üçün neçə ədəd texnika ayıracağına qərar verilməyib. Tusk vurğulayıb ki, Polşa Hərbi Dəniz Qüvvələrinin dörd gəmisi Qdansk limanı və Svinoustye qaz limanı da daxil olmaqla mühüm infrastrukturu daim qoruyur.

Qeyd edək ki, bu gün Helsinkidə keçirilən Baltik Dənizi Dövlətləri Sammitində NATO-nun Baş katibi Mark Rutte Baltik dənizində patrul xidməti həyata keçirmək üçün “Baltic Sentry” missiyasının yaradıldığını elan edib.












Teref.az © 2015
TEREF - XOCANIN BLOQU günün siyasi və sosial hadisələrinə münasibət bildirən bir şəxsi BLOQDUR. Heç bir MEDİA statusuna və jurnalist hüquqlarına iddialı olmayan ictimai fəal olaraq hadisələrə şəxsi münasibətimizi bildirərərkən, sosial media məlumatlarındanda istifadə edirik! Nurəddin Xoca
Məlumat internet səhifələrində istifadə edildikdə müvafiq keçidin qoyulması mütləqdir.
E-mail: n_alp@mail.ru