İsrail xarici işlər nazirinin müavini Şarren Haskel Ukrayna səfiri Yevgeni Korniyçuk ilə görüşdə Livanın Hizbullah qruplaşması ilə döyüşlər zamanı müsadirə edilmiş Rusiya istehsalı olan silahların Ukraynaya təhvil verilməsini təklif etməyib.
Bu barədə İsrailin "Kan" telekanalı məlumat yayıb.
Məlumata görə, siyasətçi bu təklifi hələ 2024-cü ilin noyabrında vəzifəyə təyin olunmazdan əvvəl irəli sürüb. Lakin partiya hökumətə daxil olandan və XİN rəhbərinin müavini təyin edildikdən sonra o, sənəddəki imzasını geri götürüb.
Telekanalın məlumatına görə, ukraynalı diplomatın bəyanatları heç də İsrailin Ukraynaya hərbi yardımla bağlı mövqeyinə yenidən baxılması demək deyil. \\Teleqraf.com