ABŞ prezidenti Donald Tramp rusiyalı həmkarı Vladimir Putinlə Səudiyyə Ərəbistanında görüşməyi planlaşdırdığını bildirib.

SAVASHMEDİA.az xəbəbr verir ki, bu barədə “Reuters” məlumat yayıb. 

Tramp qeyd edib ki, onun fikrincə, Putin “sülh istəyir”. 

“Düşünürəm ki, mən böyük əminliklə deyə bilərəm ki, o, bunun bitməsini istəyir", - deyə Tramp vurğulayıb.

Amerikalı prezident danışıqların hansı tarixdə baş tutacağına aydınlıq gətirməyib. 

Bundan başqa, Tramp  müdafiə naziri Pit Heqsetin Ukraynanın NATO-ya üzvlüyünün real olmadığı barədə bəyanatı ilə razılaşdığını söyləyib: “Mən bununla razıyam. Bunun praktik olduğunu düşünmürəm”.

Tramp əlavə edib ki, ölkəsi Ukraynaya yardımı davam etdirəcək, çünki onun qorunmasını istəyirlər.