Meksikada bəzi qəhvəxanalar ABŞ Prezidenti Donald Trampın siyasətinə etiraz olaraq menyulardakı "Amerikano" qəhvəsinin adını "Meksikano" olaraq dəyişməyə başlayıblar.

CNN xəbər verir ki, bu təşəbbüs Trampın xüsusilə immiqrasiya siyasətinə qarşı yönəlmiş simvolik etiraz forması kimi dəyərləndirilir.

"Əgər mənim komandam adı "Amerikano"dan "Meksikano"ya dəyişdirmək istəsə, biz bunu edə bilərik", - deyə kafe sahibi Skarlett Lindemann bildirib. O, bu ideyanı "möhtəşəm" adlandıraraq vurğulayıb ki, sözlərin həqiqətən gücü var.

Qeyd edək ki, bu, Trampın siyasətinə qarşı ilk belə mədəni etiraz forması deyil. Meksikalılar bu kimi addımlarla ABŞ-nin sərt immiqrasiya yanaşmalarına qarşı öz narazılıqlarını ifadə edirlər.