Tramp Rusiyaya verdiyi möhlətin müddətini azaltdı: "10 və 12 gün..."
Bu gün, 11:14
Tramp Rusiyaya Ukrayna ilə razılaşma üçün yeni müddət açıqlayıb.
ABŞ prezidenti Donald Tramp Rusiyanın Ukraynaya qarşı apardığı müharibəni dayandırması üçün yeni son tarix təyin edib.
Qaynarinfo "Unian"a istinadən xəbər verir ki, Tramp bu barədə Şotlandiyanın Turnberri şəhərində Böyük Britaniyanın Baş naziri Kir Starmerlə ikitərəfli görüşü zamanı danışıb.
"Mən yeni bir son tarix müəyyən edəcəyəm – bu günündən etibarən təxminən 10 və ya 12 gün. Gözləməyə heç bir əsas yoxdur”, deyə Tramp vurğulayıb.
Ağ Evin rəhbəri daha əvvəl müəyyən etdiyi 50 günlük müddət barədə danışarkən bildirib ki, o zaman "səxavətli” olmaq istəyib.
ABŞ prezidenti əlavə edib ki, Rusiya tərəfindən Ukraynaya qarşı aparılan müharibənin dayandırılması istiqamətində heç bir irəliləyiş görünmür.
