Tiflisdəki İdman Sarayında Vahid Milli Hərəkat Partiyasının VII qurultayı keçirilir. APA-nın Gürcüstan bürosunun məlumatına görə, tədbirin açılışında dövlət himni səsləndirilib. Qurultayı parlamentin keçmiş deputatı Petre Tsiskarişvili açıq elan edib.
Qurultaya 7 min nümayəndə qatılıb. Tədbirdə Gürcüstanın sabiq xarici işlər naziri Qriqol Vaşadze də iştirak edir. Tədbirə qatılanlar arasında hərəkatın lideri, sabiq prezident Mixail Saakaşvilinin həyat yoldaşı Sandra Rulofs, anası Giuli Alasaniya da var.

Tədbir çərçivəsində Mixail Saakaşvili Vaşinqtondan qurultay iştirakçılarına müraciət edib.

Tədbirdə çıxış edən partiya liderlərindən biri Nino Kalandadze bu gün partiya üzvlərinin Gürcüstanın müstəqilliyi kursuna sadiq qaldıqlarını bildirib.

Hazırda həbsdə olan hərəkatın baş katibi Vano Merabişvilinin yenidən bu posta seçiləcəyi bildirilib.

Qurultayda qeyd olunub ki, tədbirdə partiya sədri seçilməyəcək. M. Saakaşvili partiyanın dəyişməz lideri olaraq qalacaq.