Mayın 19-da İranda keçiriləcək prezident seçkilərinə namizədlərin qeydiyyatı başa çatıb.
“Report” xəbər verir ki, İran Daxili İşlər Nazirliyinin açıqladığı məlumata əsasən, beş gün davam edən qeydiyyat kampaniyasının nəticəsinə görə, 1636 nəfər – 1499 kişi və 137 nəfər qadın namizəd vəsiqəsi alıb.
Sonuncu qeydiyyata alınanlardan biri Tehran meri Məhəmməd Baqir Qalibaf, digəri isə İranın birinci vitse-prezidenti İshaq Cahangiridir. Cümə günü seçkiqabağı yarışmaya onun iki şəksiz favoriti – hazırkı prezident Həsən Ruhani və “İranın İnqilabi Qüvvələrinin Xalq Cəbhəsi” Mühafizəkar partiyaları alyansından namizəd olan İbrahim Raisidir. Əsas mübarizənin onların arasında gedəcəyi gözlənilir.