Kataloniyanın müstəqilliyi ilə bağlı keçirilən referendum iflasa uğradı.

Axar.az xəbər verir ki, bunu İspaniyanın Baş naziri Mariano Raxoy deyib.

Onun sözlərinə görə, referendum Kataloniya hökumətinin qanun və demokratiyaya qarşı strategiyası idi:

“Bu yol çıxılmaz bir yerə aparır”, - Raxoy bildirib.

"Milyonlarla kataloniyalı müstəqillik referendumunda iştirak edib". Bu sözləri isə Kataloniya vilayətinin rəsmi nümayəndəsi Jordi Turul deyib.

“312 seçki məntəqəsi bağlanmaq məcburiyyətində qaldı, səsvermə normal keçirilmədi, amma milyonlarla katalon səs verdi”, - Turul bildirib.