Bu günlərdə Ukraynadan Polşaya deportasiya edilə Mixeil Saakaşviliyə Niderlandda şəxsiyyət vəsiqəsi verilib. Modern.az xəbər verir ki, bu barədə Gürcüstanın eks-prezidenti, Odessa vilayətinin sabiq qubernatoru özünün “Facebook” səhifəsində yazıb.

M.Saakaşvili bildirib ki, bu gün Amsterdamda son müddət ərzində ilk dəfə kimliyimi təsdiq edən sənəd əldə edib: “Niderlanda gəldikdən dərhal sonra mənə Avropa İttifaqında yaşamaq və işləmək hüququ verən şəxsiyyət vəsiqəsi verildi. Bütün prosedur bir neçə dəqiqə çəkdi”.

M.Saakaşvili daha sonra Ukrayna vətəndaşlığını bərpa etməyə israrlı olduğunu vurğulayıb.