ABŞ əsgərləri rus qışına hazırlığa başladı - Savaş məşqi
23-02-2018, 08:14
ABŞ-ın dəniz piyadaları fövqəladə hava şəraitində Rusiya və Şimali Koreya ilə hipotetik bir qarşıdurmaya hazırlıq aparmağa başlayıb.
Axar.az xəbər verir ki, son bir ildə dəniz piyadalarından təxminən 600 nəfər Norveçdə xüsusi təlimdən keçib. Təlimdə əsgərlərə xırdalıqları öyrətmək üçün bütün vasitələrdən istifadə edilib. Onlara soyuq hava şəraitində döyüşmək bacarığı, qidalanmaq, suyun donmaması üçün isidilməsi və s. kimi təlim işləri öyrədilib.
Qeyd edək ki, 70 il öncə Koreya müharibəsi zamanı ağır hava şəraitində savaşmaq məcburiyyətində qalan təxminən 7 min əsgər havaya uyğunlaşa bilmədiyi üçün ölmüşdü. ABŞ-ın hərbi rəsmiləri isə sözügedən halın təkrarlanmaması üçün belə təlimlər keçirirlər.
