Rusiya İŞİD terror qruplaşması ilə mübarizə üzrə ABŞ Dövlət Departamentinin konfransında iştirak etməyəcək.

APA-nın RİA Novosti agentliyinə istinadən verdiyi xəbərə görə, bunu Dövlət Departamentinin nümayəndəsi bəyan edib.

"Rusiya nümayəndələri konqresdə iştirak etməyəcək. Rusiya İŞİD-ə qarşı koalisiyanın üzvü deyil", deyə o əlavə edib.

Fevralın 27-28-də ABŞ Dövlət Departamenti İnterpol ilə birgə IŞİD-lə mübarizə üzrə konfrans keçirəcək. Məlumata görə, konfransda 90 ölkə və qurumun nümayəndələri iştirak edəcək. Dövlət Departamentinin rəsmisi tədbirdə hansı ölkələrin iştirak etdiyini açıqlamayıb.