"Avropa Şurası ilə münasibətlərimiz böhran dövrünü yaşayır"
2-03-2018, 18:45
Rusiya Xarici İşlər Nazirliyi ölkənin Avropa İnsan Haqları Konvesnsiyasından - Avropa Şurasından çıxması ilə bağlı yayılan məlumatlara münasibət bildirib.
APA-nın Moskva müxbirinin verdiyi məlumata görə, Rusiya Xarici İşlər Nazirliyinin rəsmi nümayəndəsi Mariya Zaxarova keçirdiyi brifinqdə bu məlumatı nə təsdiq, nə də təkzib edə biləcəyini söyləyib: "Rusiyanın Avropa Şurası, Avropa Şurası Parlament Assambleyası, Avropa İnsan Haqları Məhkəməsi ilə münasibətləri böhran dövrünü yaşayır. Artıq neçə ildir ki, AŞPA-da səs hüququndan məhrum edilmişik. Avropa İnsan Haqları Məhkəməsinin Rusiya ilə bağlı qəbul etdiyi qərarlar ikili standartların bariz nümunəsidir".