London aerorportunda Rusiya təyyarəsində axtarış aparılmasından dolayı Moskva İngiltərəyə nota göndərməlidir.

Axar.az xəbər verir ki, bu sözləri Rusiya Federasiya Şurasının Beynəlxalq Münasibətlər Komitəsinin sədr müavini Vladimir Cabarov söyləyib.

“Konkret dəlillərin yoxluğu, ekipaj heyətinin və “Aeroflot” rəsmisinin icazəsinin olmaması səbəbindən Rusiya hökuməti təyyarədə aparılan axtarışa görə Londona nota göndərməlidir. Bu, bütün norma və hüquqların pozulması deməkdir”, - Cabarov bildirib.

Qeyd edək ki, London hava limanında Rusiyaya məxsus "Aeroflot" sərnişin təyyarəsində axtarış aparılıb. Axtarış zamanı ekipaj üzvləri təyyarədən düşürülüb.