İran Silahlı Qüvvələri ABŞ-a məxsus esminesin müşayiəti ilə kimyəvi məmulatlar olan gəminin Fars körfəzinə daxil olduğunu bildirib. Axar.az xəbər verir ki, bu barədə “Mehr” agentliyi məlumat yayıb.
İranlı general Əbülfəz Şikarçı bildirib ki, kimyəvi silah daşıyan gəminin adı “MV Keyp Rey”dir: “Bu gəmi ABŞ esminesinin müşayiəti ilə bu yaxınlarda regiona daxil olub. Bu silahların Suriya və İraqa nəql edilməsi planlaşdırılır. ABŞ bu kimi təhlükəli metodlardan istifadə edərək, regionda öz varlığını qorumağa çalışır”.