T-14 “Armata” tankının hazırlanması zamanı istifadə edilmiş texnologiyalar başqa hərbi maşının yaradılması vaxtı faydalı olacaq, amma hazırda Rusiya yeni texnikayla kütləvi təchizatdan imtina edərək keçmiş SSRİ-nin silahlarından maksimal istifadə edir.

Publika.az xəbər verir ki, bu haqda “The Drive” nəşrində Cozef Trevitik yazıb.

Trevitik qeyd edir ki, 5-7 il sonra Rusiyanın yeni tankı meydana çıxa bilər.

“Görünür, Kreml həmin vaxta kimi “soyuq müharibə” dövrünün möhtəşəm hərbi maşınlarından maksimum istehsal etməyə davam edəcək”, - müəllif qeyd edib.

Qeyd edək ki, Rusiya Müdafiə Nazirliyi 2018-ci ildə beşinci nəsil çoxfunksiyalı “Su-57” qırıcısı qırıcısı və T-14 “Armata” tanklarının seriya istehsalından imtina edib. Belə qərarın əsas səbəblərindən biri texnikanın bahalığı göstərilir. Hərbi müəssisə “Su-57” və T-14 “Armata”, yaxud da gələcəkdə onların törəmələrinin seriya istehsalını güman edərək SSRİ-də hazırlanmış texnikanın müasirləşdirilməsinə diqqət ayırmağı üstün tutur.

Qeyd edək ki, “Armata” ekspertlər tərəfindən “Üçüncü dünya müharibəsinin tankı”, “Su-57” isə ABŞ-ın “stels” (gözəgörünməz) texnologiyalı “F-35” beşinci nəsil qırıcısının layiqli rəqibi hesab olunurdu.