teref.az saytına Azərbaycan Dəmir Yolları QSC- dən saytımızda gedən tənqidi materialla bağlı bəzi m\qamlara aydınlıq gətirən təkzib məktubu daxil olub. Onu sizə təqdim edirik:
Son günlar bəzi elektron KİV-lərdə (o cümlədən “teref.az” saytında) Göyçay rayonunda iki azyaşlı körpəsi ilə demək olar ki, küçəyə atılmış gənc ananın - Ülviyyə Allahverdiyevanın müraciəti yayımlanır. Müraciətdə, qeyd edildiyi ki, əsas diqqət çəkən məqam şikayətçi Ülviyyə Allahverdiyevanın müraciətində adı keçən Anar Allahverdiyevdir və onun “Azərbaycan Dövlət Dəmir Yolları QSC-də çalışdığı bildirilir.
Yayılan müraciətdə qeyd olunanların araşdırılması hüquq-mühafizə orqanlarının işidir.
O ki, qaldı Anar Allahverdiyevin “Azərbaycan Dəmir Yolları” QSC-də işləməsinə, bu həqiqətə uyğun deyil və Cəmiyyətin sədri Cavid Qurbanovla heç bir əlaqəsi yoxdur.
Son olaraq bildiririk ki, dəmir yolunda bir çox irihəcmli layihələr icra olunmaqdadır. KİV-lərdə qarşı tərəfin mövqeyini öyrənmədən, faktları araşdırmadan belə yazıları yaymaq qeyri-peşəkarlıqdır. Belə müəlliflərin yazdıqları «Azərbaycan Dəmir Yolları» Qapalı Səhmdar Cəmiyyətində aparılan əsaslı islahatlara kölgə salmaqdan başqa bir şey deyildir.

“Azərbaycan Dəmir Yolları»
Qapalı Səhmdar Cəmiyyətinin
Mətbuat Katibliyinin rəisi Nadir Əzməmmədov