Bu nə bazardı Elçin Babayev?

19-01-2022, 00:08           
Bu nə bazardı Elçin Babayev?
Son günlər Bakı Dövlət Universitetinin tələbə-müəllim heyyətindən həyacan dolu informasiyalar almaqdayam…
BDU yenə ölkə gündəmindədir. Buna səbəb universitetin əksər fakültələrində dekan seçkilərinin keçirilməsidir.
Təbii ki, ilk baxışdan xoş görünən bu “seçkili dekan” üsul idarə etmə modelinin dərinliyinə getdikdə bunun “seçki” adlı şou olduğunu görmək olur. Heç şübhəsiz ki, bu şounun baş memarı da tarixi Bakı Dövlət Universitetinin rektoru əlahəzrət Elçin Babayevdir!
Burada sual yarana bilər, Elçin Babayev nə edir?
Teref.az xəbər verir ki, bunu Gələcək Azərbaycan Partiyasının sədri Ağasif Şakiroğlu yazır. Daha sonra Ağasif Şakiroğlu yazır:
Elçin Babayev nə etmir ki? Nəyi etməməlidir edir, nəyi etməlidir onu etmir! Dekan seçkilərinə haram qatır! Müstəqil formada öz namizədliklərini verən tələbə-müəllim heyyəti tərəfindən sevilən və dekan olmağa ən şanslı namizədlər rektor Elçin Babayev tərəfindən təziqə və təqibə məruz qalır. Bu xalqın gələcəyinə vurulan zərbə deyildə nədir?!
Elçin Babayev hər vərclə çalışır ki, rüşvət aldığı şəxsləri dekan seçdirməyə nail olsun. Rüşvət hesabına dekan “seçilən” şəxs(lər) sizcə şəffaf işləyə bilərmi?!
Elçin Babayevin sevilən, dəstəklənən namizədlərə öz namizədliklərini geri çəkmək üçün açıq basqı siyasəti tətbiq etməsi nəyə və kimə xidmət edir?!…
Məni bu qanunsuzluqlarla yanaşı rektor Elçin Babayevin “həyatı üçün olan təhlükə” də narahat edir. Təsəvvür edin universitet rektoru universitet daxilində tələbələrinin və müəllim heyyətinin əhatəsində tək gəzmir. Boyu 2 metr olan mühafizəçi heyyəti ilə gəzir… Adama sual verərlər: Sən kimdən qorxursan? Tələbələrindən ya müəllim heyyətindən? Səni başqa rektorlardan üstün hansı cəhətin var ki, həyatın üçün təhlükə hiss edib mühafizə dəstəsilə gəzirsən?! Bu qoçulara nə ehtiyac var? Dekan olmaq istəyən müstəqil şəxsləri əzmək üçünmü?!
Tələbə və müəllim heyyətinin sevgisini qazanmaq lazımdır cənab rektor… Bu sevgini qazanmaq lazımdır ki, o insanların əhatəsində qorxu ilə, hürkü ilə və bir dəstə qoçu ilə gəzməyə də ehtiyac qalmasın… Amma görünən budur ki, Siz bu “sevgini” qoçuluqla qazanmaq yolu seçmisiniz…
Hesab edirəm ki, universitetin rektoru Elçin Babayevin əməllərinə hüquqi qiymət vermək zamanı yetişib. Harınlamış şəxslərin yeri vəzifə yox, Kürdəxanıdır!
Son olaraq hörmətli Elçin Babayevə buradan ritorik sual da ünvanlamağı özümə borc bilirəm: İş adamı olan Zahid Cəfərovu dekan etmək üçün ondan nə qədər pul almısız ki, digər namizədlərə namizədliklərini geri çəkmələri üçün təziq edirsiniz? Marağınız və məqsədiniz nədir?
Heç utanırsınızmı?!
Teref.az olaraq qaldırılan iddialarla bağlı qarşı tərəfin mövqqeyini dərc etməyə hazırıq!
Teref.az













Teref.info © 2015
E-mail: [email protected]            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.