Müharibənin əvvəlindən bu yana bir çox Avropa İttifaqı ölkələrində Ukraynadan gəlmiş qaçqınlar sosial və iqtisadi güzəştlərdən istifadə edirlər. Bunların sırasına Ukrayna pasportuna sahib şəxslərin ictimai nəqliyyatdan pulsuz istifadəsi də daxildir.

Sözügedən vəziyyətdən isə Avropadakı rusiyalı turistlər də istifadə etməyə başlayıb. Qeyd olunur ki, rusiyalılar Ukrayna pasportlarının üzlüyündən istifadə edərək ictimai nəqliyyatdan pulsuz istifadəyə cəhd edirlər.

Sözügedən vəziyyət sosial şəbəkələrdə də rusiyalı istifadəçilər tərəfindən təsdiqlənir. Onlar həmvətənlərini də eyni qaydada davranmağa dəvət edirlər.

Mənbə: Unian.net